فضيحة مدوية والمسئولين نيام فى مستشفى طهطا العام

شكوى الى محافظ سوهاج تعالى شوف معناتنا على الواقع

مرضى الغسيل الكلوى بمستشفى طهطا العام موت بطئ واهمال متعمد استغاثه للرئيس

الى وزيرة الصحة لا السلام الجمهورى اشتغل ولا مرضى الغسيل غسلوا

وردت الينا العديد من الشكاوى عن الاهمال الجسيم فى مستشفى طهطا العام خصوصا فى قسم الغسيل لمرضى الفشل الكلوى تعددت المشكلات من ضعف المسئولين الى اهمالهم وعدم النظافه وسؤ حالة الاجهزه والتعقيم لا يتم للاجهزة مما يئدى لنقل الامراض وانقطاع الكهرباء والماء اثناء الغسيل واهمال الممرضات والعاملات الجسيم وغياب الاطباء انتقل فريق تحقيق من الصحيفة للوقوف على حقيقة الامر.

اولا عند وصولنا الى المستشفى وجدناها سداح مداح و حتى الاستقبال مش موجود ودا كان بعد العصر تجولنا فى المستشفى و الدنيا حلوة وملقيناش سريخ ابن يومين وبعد اكثر من نصف ساعه وجدنا احد الموظفين قاعد على جنب بيشرب شاى وعندما شاهدنا قال انتوا مين اتفضلوا بره وختم كلامه ممنوع التصوير تعالوا الصبح قابلوا المدير

تواصلنا مع اصحاب الشكاوى واستمهنا اليهم فكان الحوار التالى : عم فتحى قال انا مريض فشل كلوى بغسل ليه كذا سنه والحمد لله كل تحاللى سليمه وبغسل فى عنبر اللى معندهمش فيرس فجاه ومن كام شهر بنعمل التحاليل المعتاده وجنا انا و4 اخرين تم اصابتنا بفيرس سى والسبب انهم جابو حد مريض بالفيرس غسلولة على اجهزتنا ولم يتم تعقيها جيدا وعلى فكره الغسيل اللى عنده فيرس بيغسل فى حجرة لوحديهم على اجهزه خاصه بيهم

وكمان الدكاتره مبيمروش علينا وسايبين كل الموضوع على الممرضات والعاملات ورحنا شكينا لمدير المستشفى ومعملش حاجة وكل منقولو لدكتور تعالى اكشف علينا او تابعنا يقول دا مش تخصصى طيب مين المتخصص يرد معرفش

واستكمل حمادة الكلام والتذاكر بتاعة صرف العلاج غير متوفره وهيه تمنها جنيه واحد وكمان العلاج ناقص تخيل حتى السرنجات والقطن والشاش غير متوفر بالرغم من ميزانية المستشفى كبيره وكمان فيه فلوس فى صندوق الخدمات بتاع المستشفى بس غالبا بتتسرق وكل فترة نسمع القبض على موظف بتهمة الاختلاس فى المستشفى

وفجرت الحجه وفاء مفاجئه عندما قالت ان الاسانسير عطلان ونطلع للدور الرابع على رجلينا وكمان الاجهزه عطلانه وكمان الميه والكهربا بتقطع ومش مشغلين محول الكهربا بتاع الطوارئ بالمستشفى واستكملت كلامها قدمنا شكاوى لوكيل الوزارة والمحافظ والنيابة الاداريه ومفيش جديد والمحافظ جه مره واتصل فبليها بيومين انا جاى اعمل زيارة مفاجئه

و كمان الاجهزة المساعدة غير متوفره مثل رسم القلب وقياس الضغط والسكر حتى ميزان الحراره غير موجود وكل فترة بنلم من بعض ونجيب الاجهزة دى بس بتتسرق

والمشكلة الاكبر هى الاهمال فى نظافة المكان من العاملات وتعقيم الاجهزة من الموظفين ودا تسبب فى اصابة 5 بفيرس سى وللاسف من امن العقوبة اساء الادب والمرضى المصابين بالفيرس تقدمو ببلاغ للنيابة العامة تحت ارقام 2857 لسنة 2018 و 2858 لسنة 2018 ولم يحدث شئ حتى الان

نرفع شكوانا لله ثم لفخامة الزعيم عبدالفتاح السيسي ان ينقذنا اكرمة الله