كتبت ياسمين عبد السلام
اللهم إني أستودعك نفسي وما كتبت… فأحفظه بحفظك، واكفني شرَّ كل نفس لا تريد لي خيرًا، واجعل لي في كل خطوة سترًا وفي كل نية صدقًا. 
بفرحة كبيرة ممزوجة بتوتر لطيف… حابة أعلن لكم إن أول مجموعة قصصية ليا “ديچيا” واللي بإذن الله هتكون موجودة رسميًا في معرض القاهرة الدولي للكتاب 2026 ضمن جناح دار المفكر العربي 
“ديچيا” مش مجرد قصص… دي مساحة فيها السخرية ماشية جنب الخيال… 
وفيها فانتازيا إنسانية بتقرب الحكايات منكم من غير ما تبتعد عن واقعها حكايات بتتنقّل بين المواقف اللي بنضحك عليها، والمواقف اللي بنتوجع منها… 
وتسيب في آخر كل قصة علامة صغيرة… يمكن تفضل معاكم أكتر مما تتوقعوا 
كتبتها بمحبة… وبقلب خايف وفرحان في نفس اللحظة… 
حكايات كانت مستنية تطلع للنور من زمان. ويا رب تكون خطوة أولى تشبهني… وتشبهكم ومستنية أشوفكم هناك… عشان تشاركوني فرحة البداية.
